काठमाडौं । भारतीय अर्बपति गौतम अडानीमाथि छानबिन गर्न ६ सदस्यीय समिति गठन भएको छ । भारतको सर्वोच्च अदालतले हिन्डेनबर्ग रिसर्चले अडानी ग्रुपको बारेमा रिपोर्ट सार्वजनिक गरेपछि विवादमा तानिएका गौतम अडानीमाथि अनुसन्धान गर्न छानबिन समिति गठन गरेको हो ।
भारतीय सर्वोच्च अदालतले पूर्वन्याधिश एएम सप्रेको नृेतृत्वमा ६ सदस्यीय समिति गठन गरेको हो । योसँगै सर्वोच्चले सेक्युरिटी एक्सचेन्ज बोर्ड अफ इण्डिया (भारतीको सेयर बजार नियामक, सेबी)लाई समेत अडानीसँग सम्बन्धित रिपोर्ट पेश गर्न आदेश दिएको छ ।
हिन्डेनवर्ग रिसर्चले सार्वजनिक गरेको रिपोर्टमा अडानीमाथि लगाइएका आरोप, अडानीको सेयरको स्थायित्व र व्यापारिक साम्राज्यको विस्तारजस्ता विषयमा आधारित रहेर छानबिन गरी दुई महिनाभित्र अनुसन्धान रिपोर्ट पेश गर्न समेत भारतीय सर्वोच्च अदालतले निर्देशन दिएको हो ।
योसँगै भारतीय सर्वोच्च अदालतले अडानी ग्रुपको सेयर मुल्यमा हेरफेर गरिएको छ वा छैन भन्ने बारेमा पनि छानबिन गर्न निर्देशन दिएको हो ।
