काठमाडौं । बैंकिङ कसुर मुद्दाका फरार प्रतिवादी पक्राउ परेका छन् । गोर्खा जिल्ला भीमसेनथापा गाउँपालिका वडा नं. ०७ स्थाई बतन भई हाल काठमाडौंको सामाखुसी बस्ने २७ वर्षीय प्रकाश भट्ट पक्राउ परेका हुन् ।
उच्च अदालत पाटन, ललितपुरको मिति २०७९/०२/१० गतेको फैसला अनुसार ३ दिन कैद र ४ लाख १८ हजार जरिवाना सजाय तोकिए पश्चात उनी फरार रहेको प्रहरीले जनाएको छ । काठमाडौं उपत्यका अपराध अनुसन्धान कार्यालयबाट खटिएको प्रहरी टोलीले भट्टलाई चैत १५ गते रामशाहपथबाट पक्राउ गरेको हो ।
पक्राउ परेका भट्टलाई थप अनुसन्धान तथा आवश्यक कारवाहीका लागि जिल्ला अदालत काठमाडौं उपस्थित गराईएको प्रहरीले जनाएको छ ।
