काठमाडौं । नर्भिक इन्टरनेशनल हस्पिटल स्थापनाको ३०औं वर्षमा प्रवेश गरेको छ ।

बसन्तकुमार चौधरीले बिएलसी होल्डिङ्सको छाताअन्तर्गत नेपालमा विश्वस्तरीय चिकित्सा सेवा प्रदान गर्न सन् १९९३ मा नर्भिक इन्टरनेशनल हस्पिटल स्थापना गरेका थिए । आजको दिनमा देशकै एक उत्कृष्ट क्रिटिकल केयर अस्पतालको रुपमा स्थापित भएको नर्भिकले दावी गरेको छ ।

नर्भिक अस्पतालले ३०औं वार्षिकोत्सवको अवसरमा अफरहरु समेत ल्याएको छ । हस्पिटलको वार्षिकोत्सव विभिन्न कार्यक्रमहरु आयोजना गरी हर्षोल्लासका साथ मनाउने तथा सो उपलक्ष्यमा तपशील बमोजिम छुट हुने अस्पतालले जनाएको छ ।

• अस्पतालका सबै स्वास्थ्य प्याकेजमा बैशाख १ गतेदेखि बैशाख ८ गतेसम्म एक साताका लागि ३० प्रतिशत छुट
• लेजर र हाइड्रा फेसियलमा ३० दिनका लागि ३० प्रतिशत छुट
• आइभिएफ(फर्टिलिटी प्याकेज) ३० दिनका लागि ३० प्रतिशत छुट
• म्यामोग्राफीमा ३० दिनका लागि ३० प्रतिशत छुट
• पत्रकार परिवारका लागि विशेष हेल्थ प्याकेज निकट भविष्यमै ल्याइने
• बैशाख महिनामा ४ वटा स्वास्थ्य शिविर आयोजना गरिने

ग्राहकहरुले उल्लेखित छुटहरुको लाभ लिनेछन् भन्ने अस्पतालको विश्वास रहेको छ ।