काठमाडौँ । एनएमबी बैंक हेजिङ्ग कारोबार सम्पन्न गर्ने नेपालको अग्रणी वाणिज्य बैंक भएको छ ।
द करेन्सी एक्सचेन्ज फन्ड, अम्सट्रेडम र करेन्सी रिक्स सोलुसन, वासिङ्टनसँगको सहकार्यमा ८ मिलियन अमेरिकी डलर बराबरको रकम सफलतापूर्वक हेजिङ्ग कारोबार गरी नेपालकै पहिलो हेजिङ्ग कारोबार सम्पन्न गर्ने अग्रणी वाणिज्य बैंक भएको हो ।
नन् डेरिभरेवल क्रस करेन्सी स्वाप गर्नका लागी प्रयोग गरिएको हेजिङ्ग उपकरण टीसीएक्सले उपलब्ध गराएको र सो सम्बन्धित कारोबार गर्नको लागि एमएफएक्सले सहजकर्ताको भूमिका निर्वाह गरेको थियो । सो कार्य सफलतापूर्वक सम्पन्न गर्न आफ्नो विशेषज्ञता उपलब्ध गराएकोमा टीसीएक्स र एमएफएक्स प्रति एनएमबी बैंक आभारी आभार प्रकट गरेको छ ।
यस हेजिङ्ग कारोबारले बैंकको वित्तीय संयन्त्र विकास र प्रयोग प्रतिको प्रतिबद्धता दर्शाएका एनएमबी बैँकले जनाएको छ । अस्थिर बजारमा स्थिरताका साथ आर्थिक कारोबार गरी वित्तीय लक्ष्य प्राप्त गर्न मद्दत गर्ने कुरामा एनएमबी बैंक विश्वस्त रहेको छ ।
