काठमाडौँ । पोर्चुगल पठाइदिन्छु भनी रकम ठगी गर्ने व्यक्ति काठमाडौँबाट पक्राउ परेका छन् । पक्राउ पर्नेमा सिन्धुपाल्चोकको लिसंखुपाखर गाउपालिका –६ पाखरटोल स्थाई घर भई हाल काठमाडौँ महानगरपालिका –१० स्थित नयाँ बानेश्वर बस्ने २३ वर्षीय टिका बहादुर भण्डारी रहेका छन् । 

भण्डारीले मिलन तामाङसहित १० जनालाई वैदेशिक रोजगारीको लागि राम्रो कम्पनीमा पोर्चुगल पठाइदिन्छु विश्वास दिलाइ प्रलोभनमा पारी पीडितहरूबाट पटकपटक गरी जम्मा १५ लाख रुपैयाँ ठगी गरेको अनुसन्धानबाट खुलेको छ । 

काठमाडौँ उपत्यका अपराध अनुसन्धान कार्यलय खटिएको प्रहरी टोलीले भण्डारीलाई वैशाख ५ गते काठमाडौँ महानगरपालिका –१३ ताहाचालबाट पक्राउ गरेको हो । उनलाई थप अनुसन्धान तथा कारवाहीको लागि वैदेशिक रोजगार विभाग बुद्धनगर, काठमाडौँ पठाइएको प्रहरीले जनाएको छ ।