काठमाडौँ । महुली लघुवित्त वित्तीय संस्थाले खडक नगरपालिका –९ बजराहि गुठीका आगलागी पीडितहरूलाई राहत वितरण गरेको छ । संस्थाले खडक नगरपालिका र जिल्ला विपत व्यवस्थापन समितिको सहयोगमा आगलागी पीडितहरूलाई अति आवश्यक वस्तुहरूको पहिचान गरि राहत वितरण गरिएको हो । 

बैशाख ६ गते भएको आगलागीबाट १० घरधुरी पूर्ण रुपमा क्षति भएको थियो । आगलागीबाट अन्न, नगद लगायत अन्य बहुमूल्य बस्तुहरू नष्ट भएपनि मानवीय क्षति भने भएको थिएन । 

राहत वितरण कार्यक्रमका जिल्ला प्रशासन प्रमुख, प्रहरी प्रमुख, नगर प्रमुख, संस्थाको प्रमुख कार्यकारी अधिकृत लगायतको उपस्थिति रहेको थियो । राहत वितरण कार्यक्रममा बोल्दै जिल्ला प्रशासन प्रमुखले वित्तीय संस्थाले राहत वितरणमा देखाएको अग्रसरता लाई धन्यवाद दिदै आउँदा दिनमा समेत एक द्वार प्रणाली बाट राहत वितरण गर्न सुझाव दिएका थिए । 

संस्थाका प्रमुख कार्यकारी अधिकृत गंगाधर पाण्डेले आगलागी पीडितहरूलाई सान्त्वना दिदै संस्था सधै साथमा रहने उल्लेख गर्दै वितरण गरिएको राहतले थोरै भए पनि मलमको काम गर्ने बताएका थिए ।