काठमाडौं । बारामा एकै व्यक्तिले दुई पटक मत खसाल्न खोजेको भन्दै प्रहरीले एक जनालाई पक्राउ गरेको छ । देवताल गाउँपालिका–७ स्थित पिपरपाती जब्दी बुथमा दुई पटक मत खसाल्न खोजेको आरोपमा एक जनालई पक्राउ गरिएको जिल्ला प्रहरी कार्यालय बाराले जनाएको छ ।

पक्राउ परेका व्यक्तिले एउटा मत हालिसकेपछि पुनः नमुना मतपत्र खसाल्न खोजेका थिए । प्रमुख निर्वाचन अधिकृत मुकेश उपाध्यायका अनुसार पक्राउ पर्नेमा ६५ वर्षीय रामसागर यादव रहेका छन् ।

मतदातालाई प्रशिक्षणको क्रममा दिइएको नमुना मतपत्र पनि बाकसमा खसाउन खोजेपछि उनलाई पक्राउ गरिएको प्रहरीले जनाएको छ । पक्राउ परेका यादव जनता समाजवादी पार्टीका नेता समेत हुन् ।