काठमाडौं । राष्ट्रिय स्वतन्त्र पार्टी (रास्वपा)ले एशिया कप क्रिकेटको समूह चरणका खेल नेपालमा खेलाउन माग गरेको छ । मंगलबार एक विज्ञप्ति जारी गर्दै रास्वपाले एशिया कप २०२३ को समूहचरणका खेल नेपालमा खेलाउन पहल गर्न सरकारसँग माग गरेको हो ।
प्रधानमन्त्री पुष्पकमल दाहाल (प्रचण्ड)को आसन्न भारत भ्रमणमा उक्त एजेण्डा समावेश गर्न रास्वपाले माग गरेको हो ।
मंगलबार काठमाडौंको टीयू क्रिकेट मैदानमा एसीसी प्रिमियर कपमा यूएईलाईलाई पराजित गर्दै नेपाल एशिया कप २०२३ मा प्रवेश गरेको छ । योसँगै रास्वपालले नेपाली क्रिकेट टिमलाई बधाई दिँदै आगमी एशिया कपका समूह चरणका खेल नेपालमा खेलाउन माग गरेको हो ।
एसीसी प्रिमियर कपमा यूएईलाई पराजित गर्दै नेपाल विजयी भएसँगै रास्वपाका सभापति रवि लामिछानेले पनि सामाजिक सञ्जाल फेसबुकमार्फत नेपाली टिमलाई बधाई दिएका छन् । सँगै उनले सोही पोष्टमार्फत आगामी एशिया कप २०२३ को समूह चरणका खेल नेपालमा खेलाउन पहल गर्न पनि सरकारसँग माग गरेका छन् ।
यस्तो छ रास्वपाले जारी गरेको विज्ञप्तिः
