काठमाडौं । नेपाली कांग्रेसका नेता सुरेन्द्रराज आचार्य मन्त्री नियुक्त भएका छन् । आइतबार नेता आचार्यलाई प्रधानमन्त्री पुष्पकमल दाहाल (प्रचण्ड)ले मन्त्री नियुक्त गरेका हुन् । प्रधानमन्त्रीका प्रेस सल्लाहकार गोविन्द आचार्यका अनुसार उनको आइतबार १२ बजे नै राष्ट्रपति कार्यालय शीतल निवासमा शपथग्रहण हुनेछ ।

आचार्यलाई महिला, बालबालिका तथा ज्येष्ठ नागरिक मन्त्रालयको जिम्मेवारी तोकिएको छ । उक्त मन्त्रालयको जिम्मेवारी सम्हालिरहेका नेपाल समाजवादी पार्टीका महिन्द्रराय यादवलाई खानेपानी मन्त्रालयको जिम्मा दिइएको छ ।

नवनियुक्त मन्त्री आचार्य कपिलवस्तु–२ बाट विजयी भएका थिए । यसअघि बिहीबार कांग्रेसबाटै धनराज गुरूङ, मोहनबहादुर बस्नेत र डिगबहादुर लिम्बु मन्त्री नियुक्त भएका थिए ।

यसअघि यो मन्त्रालय सम्हालिरहेका नेपाल समाजवादी पार्टीका महिन्द्र राय यादवको मन्त्रालय फेरिएको छ। उनलाई वन तथा वातावरण मन्त्रालयको जिम्मा दिइएको छ।