होकाठमाडौं । काँग्रेस नेतृ आरजु राणा भागेको खबर फेक भएको खुलासा भएको छ । उनी भागेर सिंगापुर भागेको खबर केही युट्युब च्यानलमार्फत सार्वजनिक भए पनि उनी भने हेटौँडामा रहेको र बिहीबार मात्र एक कार्यक्रममा सहभागी भएको जानकारी उनले सामाजिक संजालमार्फत दिएकी छिन् ।
केही दिन अघि पनि नक्कली भुटानी शरणार्थी प्रकरणमा देउवा पत्नी आरजु राणाको संलग्नताको भन्दै ‘अडियो टेप’ सार्वजनिक भएपछि यसका विरुद्ध राणा साइबर ब्युरो पुगेकी थिईन् ।
नक्कली सरणार्थी प्रकरणमा पूर्वगृहमन्त्री बालकृष्ण खाँण पक्राउ परेसँगै खाँणपत्नी मन्जु खाँण र देउवापत्नी आरजु राणाका बारेमा थुप्रै समाचार सार्वजनिक भए । यसैबीच बिहीबार कांग्रेस नेतृ आरजु राणा भागेको खबर सार्वजनिक भयो । उनी विरगञ्जबाट, पटना र दिल्ली हुँदै सिंगापुर भागेको भन्ने समाचार सार्वजनिक भए ।
तर, कांग्रेस नेतृ राणा सिंगापुर भागेको उक्त खबर ‘फेक’ भएको पाइएको छ । शुक्रबार बिहानै सामाजिक सञ्जाल फेसबुकमा पोष्ट गर्दै राणाले बिहीबार आफू हेटौँडामा रहेको उल्लेख गरेकी छिन् । उनको स्टाटसमा लेखिएको छ ‘हिजो हेटौडास्थित स्वदेशी मार्टको उद्घाटन गर्दै ।’
