काठमाडौं । साताको कारोबारको अन्तिम दिन बिहिबार सेयर बजार मापक नेप्से परिसूचक दोहोरो अंकले बढेको छ । बुधबारको तुलनामा नेप्से परिसूचक १६.५४ अंकले बढेर १८६६.३४ बिन्दुमा पुगेको हो ।

बिहिबार नेप्सेमा कुल २७२ कम्पनीको ६१ लाख २८ हजार ६ सय २१ कित्ता सेयर खरिद बिक्री हुँदा १ अर्ब ६५ करोडमाथिको सेयर कारोबार भएको छ । आज पनि सबैभन्दा बढी कारोबार प्रभु बैंक लिमिटेड प्रमोटर सेयरको भएको छ । यस कम्पनीको २३ करोड २१ लाख ३४ हजार ५ सय ७९ रुपैयाँ बराबरको सेयर कारोबार भएको छ ।

यस्तै बिहिबार सेयर बजारमा जोशी हाइड्रोपावर डेभलपमेन्ट कम्पनीका लगानीकर्ताहरु मालामाल भएका छन् । यस कम्पनीको सेयर मूल्य ६ प्रतिशतभन्दा धेरैले बढेको हो । यस अलवा बिपीडब्लु लघुवित्त वित्तिय संस्था, एशियन हाइड्रोपावर, पाँचथर पावर, नेरुडे लघुवित्त वित्तिय संस्था र ग्रिन द्का डेभलपमेन्ट बैंकका लगानीकर्ताहरु पनि मालामाल भएका छन् । हेर्नुहोस् बिहिबार सेयर बजारमा सबैभन्दा बढी नाफा गर्ने कम्पनीहरूको सूचीः

यसैबीच बिहिबार सेयर बजारमा सबैभन्दा बढी कारोबार प्रभु बैंक लिमिटेड प्रमोटर सेयरको भएको छ । यस कम्पनीको २३ करोड २१ लाख ३४ हजार ५ सय ७९ रुपैयाँ बराबरको सेयर कारोबार भएको छ । यस अलावा शिवम् सिमेन्ट, एनआइसी एशिया बैंक, नेपाल लाइफ इन्स्योरेन्स, आत्मनिर्भर लघुवित्त वित्तिय संस्था र चिलिमे हाइड्रोपावर कम्पनीको पनि अत्याधिक कारोबार भएको छ । हेर्नुहोस् बिहिबार सेयर बजारमा सर्वाधिक कारोबार हुने कम्पनीहरूको सूचीः

यस्तै बिहिबार सेयर बजारमा सनराइज फोकस्ड इक्वटि फण्डका लगानीकर्ताले सबैभन्दा बढी गुमाएका छन् । यस कम्पनीको सेयर मूल्य ६ प्रतिशतभन्दा धेरैले घटेको हो । सनराइज फोकस्ड इक्वटिमा यस्तो गिरावट आउँदा आत्मनिर्भर लघुवित्त वित्तिय संस्था, माई खोला हाइड्रोपावर, नबिल ब्यालेन्स फण्ड-२ र सामुदायिक लघुवित्त वित्तिय संस्थामा पनि उच्च गिरावट देखिएको छ । हेर्नुहोस् बिहिबार सेयर बजारमा सबैभन्दा बढी गुमाउने कम्पनीहरुको सूचीः