काठमाडौं । साताको कारोबारको तेश्रो दिन मंगलबार सेयर बजार मापक नेप्से परिसूचक बढेको छ । सोमबारको तुलनामा नेप्से परिसूचक ३४.१७ अंकले बढेर २०२०.६४ बिन्दुमा पुगेको हो ।
मंगलबार नेप्सेमा कुल २७० कम्पनीको १ करोड ८ लाख १ हजार ६ सय ९३ कित्ता सेयर खरिद बिक्री हुँदा ४ अर्व १२ करोडमाथिको सेयर कारोबार भएको छ । आज सबैभन्दा बढी कारोबार शिवम् सिमेन्टको भएको छ । यस कम्पनीको २७ करोड ६६ लाख ८७ हजार २ सय ५० रुपैयाँ ७० पैसा बराबरको सेयर कारोबार भएको छ ।
यस्तै मंगलबार सेयर बजारमा विन नेपाल लघुवित्त वित्तिय संस्थाका लगानीकर्ताहरु मालामाल भएका छन् । यस कम्पनीको सेयर मूल्यमा पोजेटिभ सर्किट लागेको हो । यस अलवा भूगोल एनेर्जी डेभलपमेन्ट कम्पनी, सिटि होटल लिमिटेड, हिमालयन डिष्ट्रिलरी, शिवम् सिमेन्ट र बाराही हाइड्रोपावरका लगानीकर्ताहरु पनि मालामाल भएका छन् । हेर्नुहोस् मंगलबार सेयर बजारमा सबैभन्दा बढी नाफा गर्ने कम्पनीहरूको सूचीः
यसैबीच मंगलबार सेयर बजारमा सबैभन्दा बढी कारोबार शिवम् सिमेन्टको भएको छ । यस कम्पनीको २७ करोड ६६ लाख ८७ हजार २ सय ५० रुपैयाँ ७० पैसा बराबरको सेयर कारोबार भएको छ । यस अलावा हिमालयन डिष्ट्रिलरी, आइजीआइ प्रुडेन्सियल, सोल्टी होटल, नेपाल लाइफ इन्स्योरेन्स र हिमालयन एभरेस्ट इन्स्योरेन्सको पनि अत्याधिक कारोबार भएको छ । हेर्नुहोस् मंगलबार सेयर बजारमा सर्वाधिक कारोबार हुने कम्पनीहरूको सूचीः
यस्तै मंगलबार सेयर बजारमा प्रभु स्मार्ट फण्डका लगानीकर्ताले सबैभन्दा बढी गुमाएका छन् । यस कम्पनीको सेयर मूल्य ३ प्रतिशत भन्दा धेरैले घटेको हो । प्रभु स्मार्ट फण्डमा यस्तो गिरावट आउँदा सिटिजन्स म्युचुअल फण्ड-२, युनिलिभर नेपाल, सानिमा लार्ज क्याप फण्ड र ८.५% बिओके डेबेन्चर २०८६ मा पनि उच्च गिरावट देखिएको छ । हेर्नुहोस् मंगलबार सेयर बजारमा सबैभन्दा बढी गुमाउने कम्पनीहरुको सूचीः
