काठमाडौं । नेपाल धितोपत्र बोर्डले ब्रोकर नम्बर ५ (मार्केट सेक्युरिटिज)लाई कार्वाही गरेको छ । सम्पत्ति शुद्धीकरण तथा आतङ्कवादी क्रियाकलापमा वित्तीय लगानी निवारण सम्बन्धी निर्देशनको पालना नगरेको भन्दै बोर्डले मार्केट सेक्युरिटिजलाई कार्वाही गरेको हो ।
कम्पनीले सम्पत्ति शुद्धीकरण तथा आतंकवादी क्रियाकलापमा वित्तीय लगानी निवारण सम्बन्धी निर्देशन, २०६१ को दफा १८ (१)को व्यवस्थाको परिपालन नगरेको भन्दै कार्वाही स्वरुप १० लाख जरिवाना गरेको बोर्डले जनाएको छ ।
बोर्डका अनुसार ब्रोकर कम्पनीहरुले सम्पत्ति शुद्धीकरण तथा आतङ्कवादी क्रियाकलापमा वित्तीय लगानी निवारण सम्बन्धी निर्देशन अनुसार सम्पादन गरेका कार्यहरुको अर्ध वार्षिक प्रतिवेदन उक्त अवधि व्यतित भउको १५ दिनभित्र बोर्डमा पेश गर्नुपर्छ । तर, मार्केट सेक्युरिटिज प्रालीले उक्त प्रतिवेदन बोर्डमा नबुझाएपछि कार्वाही गरिएको बोर्डले जनाएको छ ।
