काठमाडौं । साताको कारोबारको पहिलो दिन आइतबार सेयर बजार मापक नेप्से परिसूचक बढेको छ । बिहीबारको तुलनामा नेप्से परिसूचक १२.१६ अंकले बढेर २०९७.०९ बिन्दुमा पुगेको हो ।

आइतबार नेप्सेमा कुल २८६ कम्पनीको ७१ लाख ८४ हजार २ सय ५४ कित्ता सेयर खरिद बिक्री हुँदा २ अर्व ३७ करोडमाथिको सेयर कारोबार भएको छ । आज सबैभन्दा बढी कारोबार शिवम् सिमेन्टको भएको छ । यस कम्पनीको १९ करोड १३ लाख ११ हजार ३ सय ७२ रुपैयाँ ९० पैसा बराबरको सेयर कारोबार भएको छ ।

यस्तै आइतबारको सेयर बजारमा सनराइज फोकस्ड इक्वटी फण्ड लगानीकर्ताहरु मालामाल भएका छन् । यस कम्पनीको सेयर मूल्यमा पोजेटिभ सर्किट लागेको हो । यस अलवा एनआइबिएल ग्रोथ फण्ड, सानिमा ग्रोथ फण्ड, सिटिजन्स म्युचुअल फण्ड-२, १०.२५% माछापुच्छ्रे बैंक डेबेञ्चर २०८५ र ग्रामिण विकास लघुवित्त वित्तिय संस्थाका लगानीकर्ताहरु पनि मालामाल भएका छन् । हेर्नुहोस् आइतबारको सेयर बजारमा सबैभन्दा बढी नाफा गर्ने कम्पनीहरूको सूचीः

यसैबीच आइतबारको सेयर बजारमा सबैभन्दा बढी कारोबार शिवम् सिमेन्टको भएको छ । यस कम्पनीको १९ करोड १३ लाख ११ हजार ३ सय ७२ रुपैयाँ ९० पैसा बराबरको सेयर कारोबार भएको छ । यस अलावा हिमालयन लाइफ इन्स्योरेन्स, माउनटेन इनर्जी नेपाल, हिमालयन एभरेस्ट इन्स्योरेन्स, एशियन लाइफ इन्स्योरेन्स र सोल्टी होटलको पनि अत्याधिक कारोबार भएको छ । हेर्नुहोस् आइतबारको सेयर बजारमा सर्वाधिक कारोबार हुने कम्पनीहरूको सूचीः

यस्तै आइतबारको सेयर बजारमा लिबर्टी इनर्जी कम्पनीले सबैभन्दा बढी गुमाएका छन् । यस कम्पनीको सेयर मूल्य ५ प्रतिशत भन्दा धेरैले घटेको हो ।लिबर्टी इनर्जी कम्पनीमा यस्तो गिरावट आउँदा मकर जितुमाया सुरी हाइड्रोपावर, ९.५% मन्जुश्री फाइनान्स लिमिटेड डेबेञ्चर २०८५, हिमालयन हाइड्रोपावर र कर्पोरेट डेभलपमेन्ट बैंकमा पनि उच्च गिरावट देखिएको छ । हेर्नुहोस् आइतबारको सेयर बजारमा सबैभन्दा बढी गुमाउने कम्पनीहरुको सूचीः