काठमाडौं । काठमाडौंको ठमेलस्थित चर्चित नाईट क्लब एलओडीका दुई म्यानेजर पक्राउ परेका छन् । नाबालिकलाई क्लबमा प्रवेश गराएको भन्दै प्रहरीले एलओडीका म्यानेजर सहदेव सेढाईं र काउन्टरमा कार्यरत सपना ढुंगानालाई पक्राउ गरेको हो ।

केही समयअघि एलओडी गएकी नाबालिकमाथि भएको जबरजस्ती करणीको घटनापछि प्रहरीले अनुसन्धानका क्रममा उनीहरुलाई पक्राउ गरेको हो । उनीहरुविरुद्ध पनि अनुसन्धान सुरु भएको प्रहरीले जनाएको छ ।

१६ वर्षकी ती बालिका बलात्कृत भएको उक्त घटापछि उमेर नपुगेका व्यक्तिलाई क्लबमा प्रवेश गराएको भन्दै यसअघि प्रहरीले एलओडीका सञ्चालक रुदिल बल्लभ श्रेष्ठ र राजुसिंह सुवाल पक्राउ गरेको थियो । यद्धपी घटना घटेको समयमा उनीहरु क्लबमा नभएको पाइएपछि उनीहरु रिहा भएका थिए ।