काठमाडौं । काठमाडौंको सिनामंगलमा शंकास्पद वस्तु फेला परेको स्थानबाट प्रहरीले एक जनालाई नियन्त्रणमा लिएको छ । सिनामंगल पुल नजिक रहेको खोटाङ हलेसी ज्वलेर्सको सटर अगाडि बुधबार बिहान शंकास्पद वस्तु फेला परेको थियो ।

नेपाली सेनाको टोलीले शंकास्पद वस्तु निष्कृय पारेको हो । सो शंकास्पद वस्तु बम नभई नोकिया मोबाइलको सेटमा तार जोडेर राखेको पाइएको छ । साथै, शंकास्पद वस्तु नजिकै हाम्रो पार्टी नेपाल उत्थान क्रान्तिकारी पार्टीको पर्चा पनि भेटिएको  प्रहरीले जनाएको छ ।

उक्त घटनाबारे थप अनुसन्धान भईरहेको प्रहरी प्रवक्ता एसपी सीताराम रिजालले बताएका छन् ।