काठमाडौं । अब बैंक तथा वित्तीय संस्थाबाट ऋण लिने ऋणीले पनि स्थायी लेखा (पान) नम्बर लिनुपर्ने भएको छ । चालु आर्थिक वर्ष २०८०/८१ का लागि मौद्रिक नीति सार्वजनिक गर्दै राष्ट्र बैंकले यस्तो व्यवस्था गर्ने जनाएको हो ।

योसँगै अब बैंक तथा वित्तीय संस्थाबाट निश्चित रकमभन्दा माथिको ऋण लिँदा अनिवार्य रुपमा पान नम्बर लिनुपर्नेछ ।

‘आर्थिक वर्ष २०८०÷८१ को नेपाल सरकारको बजेटमा उल्लेख भएबमोजिम बैंक तथा वित्तीय संस्थाबाट निश्चित सीमाभन्दा बढी कर्जा÷सुविधा उपयोग गर्ने ऋणीहरूले अनिवार्य रुपमा स्थायी लेखा नम्बर लिनुपर्ने व्यवस्था पुनरावलोकन गरिनेछ ।’, मौद्रिक नीतिमा उल्लेख गरिएको छ ।