काठमाडौं । पोल्याण्ड पठाईदिन्छु भन्दै रकम ठगी गर्ने व्यक्ति पक्राउ परेका छन् । जिल्ला कञ्चनपुर कृष्णपुर नगरपालिका वडा नं. ०२ स्थाई घर भई हाल काठमाडौं जिल्ला महालक्ष्मी नगरपालिका वडा नं.०१ बस्ने ४२ वर्षीय पुष्पराज जोशी पक्राउ परेका हुन् ।
उनले भगवती अधिकारीलाई वैदेशिक रोजगारीको लागि पोल्याण्ड पठाईदिन्छु र पोल्याण्ड पुगेपछि आकर्षक तलव हुन्छ भनी विश्वास दिलाई प्रलोभनमा परेर रकम ठगी गरेका थिए । जोशीले पिडितबाट १ लाख ५० हजार रकम ठगी गरी सम्पर्कविहिन भएको प्रहरीले जनाएको छ ।
काठमाडौं उपत्यका अपराध अनुसन्धान कार्यालयबाट खटिएको प्रहरी टोलिले उनलाई साउन ५ गते काठमाडौं महानगरपालिका वडा नं. ३१ बानेश्वरबाट पक्राउ गरेको हो । पक्राउ परेका उनलाई थप अनुसन्धान तथा कारवाहीका लागि वैदेशिक रोजगार विभाग ताहाचल पठाईएको छ ।
