काठमाडौँ । काठमाडौँमा उपत्यकामा जेलमा रहेका अधिकांश बिदेशी अपराधीमध्ये अधिकांश चिनियाँ रहेको पाइएको छ । उपत्यकाका विभिन्न ठाउँमा आपराधिक गतिविधिमा संलग्न रहेको आरोपमा पक्राउ गरिएका २८३ विदेशी नागरिकहरुमध्ये अधिकांश चिनियाँ नागरिक हाल जेलमा रहेको पाइएको हो ।

अदालतबाट कैद सजाय तोकिएकादेखि पुर्पक्षका लागि थुनामा रहेकाहरुसम्म जोड्दा उपत्यकामा कुल २८३ बिदेशी जेलमा छन् । देशभरका कारागारमा भने ८५० विदेशी कैदी रहेका सो विभागले जनाएको छ । अन्य ठाउँको तुलनामा काठमाडौँमा चिनियाँ अपराधीहरु धेरै जेलमा छन् । तीमध्ये मानव बेचबिखन, तस्करी, र वित्तीय अपराधमा संग्लग्न चिनियाँहरु धेरै छन् ।

कारागार व्यवस्था विभागको पछिल्लो तथ्यांकानुसार सुन्धारास्थित केन्द्रीय कारागारमा सबैभन्दा बढी १८७ विदेशी कैदी छन् भने ललितपुरस्थित नख्खु कारागारमा ७१ विदेशी कैदी छन् । यता डिल्लीबजारस्थित सदरखोरमा २५ विदेशी कैदी राखिएको छ । विदेशी कैदीहरूले दैनिक ८० रुपैयाँ नगद र ७०० ग्राम चामल पाउने गरेका छन् ।