">
काठमाडौं । तस्करीको सुन आज गालिने भएको छ । २ साउनमा त्रिभुवन अन्तराष्ट्रिय विमानस्थल परिसरबाट बरामद गरिएको सुन आज (मंगलबार) गालिने भएको हो ।
काठमाडौंको सिनामंगलबाट समातिएको १ सय ५५ किलो ‘ब्रेक शु’ सहितको सुन सोमबार छुट्याइएर जोखिएको थियो । सोमबार नेपाल राष्ट्र बैंकको बबरमहलस्थित टक्सार महाशाखामा छुट्याएर जोख्दा सुनको तौल ६० किलो ७८९ ग्राम भेटिएको छ ।
यसरी मोटरसाइकलको ‘ब्रेक शु’ बाट छुट्याइएको सुन मंगलबार बिहान १० बजे गालिने भएको छ । नेपाल प्रहरीको केन्द्रीय अनुसन्धान ब्यूरो (सीआईबी), राजस्व अनुसन्धान विभाग, नेपाल राष्ट्र बैंकका प्रतिनिधिहरुको रहोबरमा सुन गालिने टक्सार महाशाखाका प्रमुख थानेश्वर आचार्यले जानकारी दिएका छन् ।
