काठमाडौं । त्रिभुवन अन्तराष्ट्रिय विमानस्थलबाट बरामद गरिएको सय किलो सुन प्रकरणमा थप तिन जना पक्राउ परेका छन् । मंगलबार प्रहरीको केन्द्रीय अनुसन्धान ब्युरो (सीआइबी) ले तिन चिनियाँ नागरिकलाई पक्राउ गरेको हो ।

पक्राउ पर्नेमा चिनियाँ नागरिक झाओ हुई, जोङ छ्याङ र ताङ जिङ रहेका छन् । चीन जान लागेका उनीहरुलाई सीआइबीको टोलिले पक्राउ गरेको हो । योसँगै सुन तस्करी प्रकरणमा पक्राउ पर्नेको संख्या २३ पुगेको छ ।

विमानस्थलबाट जाँचपास भई ट्याक्सीमा राखेर बाहिर लैजाने क्रममा करिब एक सय किलो सुन राजस्व अनुसन्धान विभागले साउन ३ गते सिनामंगलबाट बरामद गरेको थियो ।