काठमाडौं । राष्ट्रिय प्रजातन्त्र पार्टी (राप्रपा)का सांसद ज्ञानेन्द्र शाहीले लुम्बिनी जस्तो पवित्र स्थलमा समेत भ्रष्टचार भएको भन्दै आक्रोश पोखेका छन् । बिहीबार प्रतिनिधिसभाको बैठकमा सांसद शाहीले यस्तो आक्रोश पोखेका हुन् ।

सांसद शाहीले अनियमीतताकै कारण लुम्बिनी ऐतिहासिक क्षेत्र विकास गुरुयोजना अहिलेको स्थितिमा अलपत्र अवस्थामा रहेको तर्क गरेका छन् ।

‘लुम्बिनी ऐतिहासिक क्षेत्र विकास गुरु योजना आज अलपत्र अवस्थामा छ । लुम्बिनी जस्तो पवित्र स्थलमा समेत अनिमिएतता भ्रष्टचार र नियतबस आर्थिक हिनामिना भईरहेको छ ।’, उनले भने, ‘प्रधानमन्त्री र सरकारलाई मेरो प्रश्न आज अन्तर्राष्ट्रिय निर्देशन समिति कता छ ? त्यो समितिले कहाँ र कुन देशमा लुम्बिनीको विकास गरिरहेको छ ? समितिले कहिले र कहाँ पहल ग¥यो ?’

त्यस्तै, सांसद शाहीले नागरिक उड्न तथा संस्कृति मन्त्रीले यसबारे सदनमा जवाफ दिनुपर्ने माग गरेका छन् ।