काठमाडौँ । सुन तस्करी प्रकरणमा थुनामा रहेका प्रतिवादीहरुको थुनछेक बहस आज (बुधबार)बाट सुरु हुँदैछ ।
जिल्ला अदालत काठमाडौँले करिब ६१ केजी सुन तस्करी प्रकरणका प्रतिवादीहरुसँगको बयान मंगलबार सकिएपछि बुधबारबाट थुनछेक बहस सुरु गर्न लागेको हो ।
हाल प्रहरीको नियन्त्रणमा रहेका २६ जनाको मंगलबार बहस सकिएकाले बुधबारबाट थुनछेक बहस सुरु हुन लागेको जिल्ला अदालत काठमाडौँका सूचना अधिकारी दीपक दाहालले जानकारी दिएका छन् । प्रकरणमा सरकारी वकिलको कार्यालयले प्रतिवादीहरुलाई थुनामा राखेर छानबिन गर्न आदेश माग गर्नेछ ।
