काठमाडौं । साताको कारोबारको अन्तिम दिन शुक्रबार सुनको मूल्य प्रतितोला ८ सय रुपैयाँले घटेको छ ।

बिहीबार प्रतितोला १ लाख ९ हजार ६ सय रुपैयाँमा कारोबार भईरहेको छापावाला सुन आज ८ सय रुपैयाँले घटेर १ लाख ८ हजार ८ सय रुपैयाँमा कारोबार भईरहेको छ । त्यस्तै, तेजाबी सुन प्रतितोला १ लाख ८ हजार ३ सय रुपैयाँमा कारोबार भईरहेको छ ।

यता चाँदीको मूल्य भने २५ रुपैयाँले बढेर १ हजार ३ सय ९५ रुपैयाँमा कारोबार भईरहेको छ । नेपाल सुनचाँदी व्यवसायी महासंघले आज प्रति १० ग्राम छापावाला सुनको मूल्य ९३ हजार २ सय ८० रुपैयाँ, १० ग्राम तेजाबी सुनको मूल्य ९२ हजार ८ सय ५० रुपैयाँ र १० ग्राम चाँदीको मूल्य १ हजार १ सय ९६ रुपैयाँ निर्धारण गरेको छ ।