काठमाडौं । साताको कारोबारको अन्तिम दिन बिहीबार सेयर बजार मापक नेप्से परिसूचक घटेको छ । बुधबारको तुलनामा नेप्से परिसूचक ११.०४ अंकले घटेर १९५६.९२ बिन्दुमा पुगेको हो ।
बिहीबार नेप्सेमा कुल २८० कम्पनीको ३५ लाख ६२ हजार ६ सय २४ कित्ता सेयर खरिद बिक्री हुँदा १ अर्व १० करोडमाथिको सेयर कारोबार भएको छ । आज सबैभन्दा बढी कारोबार सिटिजन्स लाइफ इन्स्योरेन्सको भएको छ । यस कम्पनीको ४ करोड ४३ लाख ३१ हजार ७ सय १ रुपैयाँ २० पैसा बराबरको सेयर कारोबार भएको छ ।
यस्तै बिहीबारको सेयर बजारमा बाराही हाइड्रोपावरका लगानीकर्ताहरु मालामाल भएका छन् । यस कम्पनीको सेयर मूल्य ९ प्रतिशत भन्दा धेरैले बढेको हो । यस अलवा इस्टर्न हाइड्रोपावर, हिमालयन लघुवित्त वित्तीय संस्था, प्रोग्रेशिभ फाइनान्स, अपर स्याँगे हाइड्रोपावर र पिपुल्स पावर लिमिटेडका लगानीकर्ताहरु पनि मालामाल भएका छन् । हेर्नुहोस् बिहीबारको सेयर बजारमा सबैभन्दा बढी नाफा गर्ने कम्पनीहरूको सूचीः
यसैबीच बिहीबारको सेयर बजारमा सबैभन्दा बढी कारोबार सिटिजन्स लाइफ इन्स्योरेन्सको भएको छ । यस कम्पनीको ४ करोड ४३ लाख ३१ हजार ७ सय १ रुपैयाँ २० पैसा बराबरको सेयर कारोबार भएको छ । यस अलावा नबिल बैंक, सोल्टी होटल, सन नेपाल लाइफ इन्स्योरेन्स, हिमालयन लघुवित्त वित्तीय संस्था र रिलायबल नेपाल लाइफ इन्स्योरेन्सको पनि अत्याधिक कारोबार भएको छ । हेर्नुहोस् बिहीबारको सेयर बजारमा सर्वाधिक कारोबार हुने कम्पनीहरूको सूचीः
यस्तै बिहीबारको सेयर बजारमा इन्फिनिटी लघुवित्त वित्तिय संस्थाका लगानीकर्ताले सबैभन्दा बढी गुमाएका छन् । यस कम्पनीको सेयर मूल्य ९ प्रतिशत भन्दा धेरैले घटेको हो । इन्फिनिटी लघुवित्त वित्तिय संस्थामा यस्तो गिरावट आउँदा मध्येभोटेकोशी जलविद्युत, सीवाईसी नेपाल लघुवित्त, सामुदायिक लघुवित्त वित्तिय संस्था र दिव्यश्वरी हाइड्रोपावरमा पनि उच्च गिरावट देखिएको छ । हेर्नुहोस् बिहीबारको सेयर बजारमा सबैभन्दा बढी गुमाउने कम्पनीहरुको सूचीः
