काठमाडौँ । अजरबैजान पठाईदिन्छु भनी रकम ठगी गर्ने व्यक्ति पक्राउ परेका छन् । जिल्ला रोल्पा परिवर्तन गा.पा.वडा नं.२ स्थाई घर भई हाल जिल्ला काठमाडौँ महानगरपालीका वडा नं.२६ नयाँ बसपार्क बस्ने वर्षीय ३१को रवि घर्ती मगर पक्राउ परेका हुन् ।
पक्राउ परेका घर्ती मगरले सोमराज चौधरीलाई वैदेशिक रोजगारीको लागि प्रतिव्यक्ती ७ लाख ५० हजार रुपैयाँ लाग्छ भन्दै रकम ठगी गरेका हुन् । साथै, अजरबैजान पुगेपछी टायल मेसनमा मासिक ९० हजार रुपैयाँ भन्दा धेरै तलव हुने काम लगाइदिन्छु भन्दै विश्वास दिलाई प्रलोभनमा पारी निज पीडितबाट पटकपटक गरी ४ लाख १३ हजार रुपैयाँ रकम लिई सम्पर्क विहीन भई ठगी गरेकोमा पिडितले वैदेशिक रोजगार विभागमा निवेदन दिएका हुन् ।
उक्त कार्यालयबाट खटिएको प्रहरी टोलीले निज रवि घर्ती मगरलाई निरन्तर खोजतलास गर्ने क्रममा २०८० असोज १७ गते दिउँसो १ बजेको समयमा जिल्ला काठमाण्डौँ रत्नपार्कबाट प्रहरीले पक्राउ गरेको हो । साथै, प्रतिवादीको थप अनुसन्धान तथा कारवाहीका लागि वैदेशिक रोजगार विभाग ताहाचल, काठमाडौँ पठाईएको प्रहरी उपरीक्षक रविन्द्र रेग्मीले जानकारी दिएका छन् ।
