काठमाडौं । काठमाडौंमा सबैभन्दा ठूलो एक दिने माईपे मेला हुने भएको छ । उक्त मेला असोज २६ गते शुक्रबार दरबारमार्ग स्थित होटल अन्नपूर्णमा माईपे इभेन्टस्को आयोजनामा हुन लागेको हो ।
सो मेलामा नेपालका चर्चित गायक सुगम पोखरेल, द इलिमेन्टस्, कबवेब, सनुप पौडेल, अनिल रिजाल लगायतका गायकहरुको प्रस्तुती रहने छ । केहि दिन अघि मात्रै माईपे इभेन्टस्ले बलिउडका चर्चित गायक कैलाश खेरलाई नेपाल ल्याएर पहिलो सांगितिक कार्यक्रम गरेका थिए ।
त्यस लगतै माईपेले दोस्रो संगितिक कार्यक्रम स्वरुप माईपे मेला गर्न लागेको हो । उक्त मेलामा खानाको च्यालेन्ज, चङ्गा डिजाइन, म्याजिक सो लगायत सांगितिक कार्यक्रमहरु हुने भइका छन् ।
त्यस्तै, आगामी शुक्रवार हुने चर्चित गायकको प्रस्तुती हेर्न माईपे डिजिटल वालेट तथा माईपे इभेन्टस्को बेवसाइट डब्लुडब्लुडब्लु डट माईपे ईभेन्ट डटकमबाट समेत टिकट लिन सकिने आयोजकले जानकारी दिएका छन् । साथै, पहिलो सय टिकट लिनेहरुका लागि विशेष छुटका साथ माईपेले टिकट सार्वजनिक गरिसकेको हो ।
