काठमाडौं । साताको कारोबारको पहिलो दिन आइतबार सेयर बजार मापक नेप्से परिसूचक घटेको छ । बिहीबारको तुलनामा नेप्से परिसूचक ३५.६७ अंकले घटेर १९२१.२४ बिन्दुमा पुगेको हो ।
आइतबार नेप्सेमा कुल २८९ कम्पनीको ५८ लाख १५ हजार १ सय ८९ कित्ता सेयर खरिद बिक्री हुँदा १ अर्व ८० करोडमाथिको सेयर कारोबार भएको छ । आज सबैभन्दा बढी कारोबार शिवम् सिमेन्टको भएको छ । यस कम्पनीको ६ करोड ७३ लाख ८१ हजार ५ सय ६९ रुपैयाँ ५० पैसा बराबरको सेयर कारोबार भएको छ ।
यस्तै आइतबारको सेयर बजारमा बाराही हाइड्रोपावरका लगानीकर्ताहरु मालामाल भएका छन् । यस कम्पनीको सेयर मूल्य ९ प्रतिशत भन्दा धेरैले बढेको हो । यस अलवा सिद्धार्थ इन्भेस्टमेन्ट ग्रोथ स्किम-२, सयपत्री हाइड्रोपावर, ८.५% बिओके डेबेञ्चर, ८.७५% प्राइम बैंक डेबेञ्चर २०८५ र सामुदायिक लघुवित्त वित्तिय संस्थाका लगानीकर्ताहरु पनि मालामाल भएका छन् । हेर्नुहोस् आइतबारको सेयर बजारमा सबैभन्दा बढी नाफा गर्ने कम्पनीहरूको सूचीः
यसैबीच आइतबारको सेयर बजारमा शिवम् सिमेन्टको भएको छ । यस कम्पनीको ६ करोड ७३ लाख ८१ हजार ५ सय ६९ रुपैयाँ ५० पैसा बराबरको सेयर कारोबार भएको छ । यस अलावा रिलायबल नेपाल लाइफ इन्स्योरेन्स, नबिल बैंक, सिटिजन्स लाइफ इन्स्योरेन्स, एनआइसी एशिया बैंक र हिमालयन डिस्ट्रिलरीको पनि अत्याधिक कारोबार भएको छ । हेर्नुहोस् आइतबारको सेयर बजारमा सर्वाधिक कारोबार हुने कम्पनीहरूको सूचीः
यस्तै आइतबारको सेयर बजारमा हिमालयन लघुवित्त वित्तीय संस्थाका लगानीकर्ताले सबैभन्दा बढी गुमाएका छन् । यस कम्पनीको सेयर मूल्यमा नेगटिभ सर्किट लागेको हो । हिमालयन लघुवित्त वित्तीयमा यस्तो गिरावट आउँदा गरिमा डेबेञ्चर २०८५, घलेम्दी हाइड्रो, माया खोला हाइड्रोपावर र सगरमाथा जलविद्युतमा पनि उच्च गिरावट देखिएको छ । हेर्नुहोस् आइतबारको सेयर बजारमा सबैभन्दा बढी गुमाउने कम्पनीहरुको सूचीः
