काठमाडौं । सिद्धार्थ बैंकले असोज २८ गतेबाट संस्थापक सेयर बिक्रीमा ल्याएको छ । बैंकले आफ्ना संस्थापक सेयरधनीहरुको नाममा रहेको ५ लाख ४९ हजार ५ सय ७३ कित्ता संस्थापक सेयर बिक्रीमा ल्याएको हो ।

बैंकले संस्थापक सेयरधनी प्रदीप कुमार केडियाको ४ लाख ५४ हजार ५६३ र प्रुडेन्सियल क्यापिटल म्यानेजमेन्ट कम्पनी प्रालिको नाममा रहेको ९५ हजार १० कित्ता सेयर बिक्री खुला गरेको हो । उक्त सेयरमा बैंकका संस्थापक सेयरधनीहरुले आवेदन दिन सक्नेछन् । सो सेयरको मूल्य भने तोकिएको छैन ।

सेयर खरिद गर्न इच्छुक लगानीकर्ताले बैंकको प्रदान कार्यलयमा आफुले खरिद गर्न चाहेको सेयर संख्या खुलाई ३५ दिनभित्र आवेदन पेश गर्नुपर्नेछ । उक्त समयमा संस्थापक सेयरधनीहरुबाट आवेदन नपरेमा सर्वसाधारणका लागि बिक्री खुला गरिने बैंकले जनाएको छ ।