काठमाडौँ । काभ्रेपलाञ्चोकको नमोबुद्ध नगरपालिका–१०, पुरानोगाउँमा जुवातास खेलिरहेको अवस्थामा ८ जना पक्राउ परेका छन् । सोहि गाउँका विनोद हुमागाईंको घरबाट प्रहरीले उनीहरूलाई नियन्त्रणमा लिएको हो । स्थानीयका अनुसार दशैँको टीकाको अघिल्लो दिन जुवामा पैसा हारेकामध्येका एकले सुराकी लगाईदिँदा उनीहरु पक्राउ परेका हुन् ।
उनीहरु दशैँको टिकाको दिन जुवाखालमा व्यस्त थिए । टिकाको दिनसमेत घर छोडेर जुवाखालमा गएका उनीहरुलाई प्रहरीले टिकाकै दिन राती पक्राउ गरेको थियो ।
प्रहरीका अनुसार नगद एक लाख ५३ हजार ४७० रुपैयाँ र ६ बुक ताससहित उनीहरूलाई पक्राउ गरिएको छ ।
