काठमाडौं । साताको कारोबारको दोश्रो दिन सोमबार सेयर बजार मापक नेप्से परिसूचक बढेको छ । आइतबारको तुलनामा नेप्से परिसूचक ३.०४ अंकले बढेर १८७८.७० बिन्दुमा पुगेको हो ।
सोमबार नेप्सेमा कुल २८७ कम्पनीको २८ लाख २४ हजार ७ कित्ता सेयर खरिद बिक्री हुँदा ६९ करोडमाथिको सेयर कारोबार भएको छ । आज सबैभन्दा बढी कारोबार साधना लघुवित्त वित्तीय संस्था लिमिटेडको प्रमोटर सेयरको भएको छ । यस कम्पनीको ३ करोड ६० लाख ७४ हजार ७ सय ४० रुपैयाँ बराबरको सेयर कारोबार भएको छ ।
यस्तै सोमबारको सेयर बजारमा पञ्चकन्या माई हाइड्रोपावरका लगानीकर्ताहरु मालामाल भएका छन् । यस कम्पनीको सेयर मूल्य ७ प्रतिशत भन्दा धेरैले बढेको हो । यस अलवा मन्दाकिनी हाइड्रोपावर, सुपर मादी हाइड्रोपावर, इमर्जिंग नेपाल लिमिटेड, छ्याँग्दी हाइड्रोपावर र रिभर फल्स पावर लिमिटेडका लगानीकर्ताहरु पनि मालामाल भएका छन् । हेर्नुहोस् सोमबारको सेयर बजारमा सबैभन्दा बढी नाफा गर्ने कम्पनीहरूको सूचीः
यसैबीच सोमबारको सेयर बजारमा साधना लघुवित्त वित्तीय संस्था लिमिटेडको प्रमोटर सेयरको भएको छ । यस कम्पनीको ३ करोड ६० लाख ७४ हजार ७ सय ४० रुपैयाँ बराबरको सेयर कारोबार भएको छ । यस अलावा नेपाल लाइफ इन्स्योरेन्स, सिद्धार्थ बैंक लिमिटेड प्रमोटर सेयर, नबिल बैंक, नेशनल हाइड्रोपावर कम्पनी र सिटिजन्स लाइफ इन्स्योरेन्स कम्पनीको पनि अत्याधिक कारोबार भएको छ । हेर्नुहोस् सोमबारको सेयर बजारमा सर्वाधिक कारोबार हुने कम्पनीहरूको सूचीः
यस्तै सोमबारको सेयर बजारमा सोनापुर मिनिरल्स एण्ड आयल लिमिटेडका लगानीकर्ताले सबैभन्दा बढी गुमाएका छन् । यस कम्पनीको सेयर मूल्यमा नेगटिभ सर्किट लागेको हो । सोनापुर मिनिरल्समा यस्तो गिरावट आउँदा बिन्ध्यबासिनी हाइड्रोपावर डेभलपमेन्ट कम्पनी, अपर सोलु हाइड्रो इलेक्ट्रिक कम्पनी, लक्ष्मी उन्नति कोष र ग्लोबल आइएमई ब्यालेन्स फण्ड-१ मा पनि उच्च गिरावट देखिएको छ । हेर्नुहोस् सोमबारको सेयर बजारमा सबैभन्दा बढी गुमाउने कम्पनीहरुको सूचीः
