काठमाडौं । साताको कारोबारको तेश्रो दिन मंगलबार सेयर बजार मापक नेप्से परिसूचक घटेको छ । सोमबारको तुलनामा नेप्से परिसूचक १४.२९ अंकले घटेर १८६४.४० बिन्दुमा पुगेको हो ।

मंगलबार नेप्सेमा कुल २८६ कम्पनीको २२ लाख ५८ हजार १ सय ८७ कित्ता सेयर खरिद बिक्री हुँदा ५७ करोडमाथिको सेयर कारोबार भएको छ । आज सबैभन्दा बढी कारोबार सुर्यज्योति लाइफ इन्स्योरेन्स कम्पनी लिमिटेडको भएको छ । यस कम्पनीको १ करोड ७० लाख ११ हजार ४ सय ८७ रुपैयाँ ९० पैसा बराबरको सेयर कारोबार भएको छ ।

यस्तै मंगलबारको सेयर बजारमा महुली लघुवित्त वित्तीय संस्थाका लगानीकर्ताहरु मालामाल भएका छन् । यस कम्पनीको सेयर मूल्य ६ प्रतिशत भन्दा धेरैले बढेको हो । यस अलवा एभरेस्ट बैंक लिमिटेड, हथावे इन्भेस्टमेन्ट नेपाल, सीवाईसी नेपाल लघुवित्त, किसन लघुवित्त वित्तीय संस्था र सबैको लघुवित्त वित्तीय संस्थाका लगानीकर्ताहरु पनि मालामाल भएका छन् । हेर्नुहोस् मंगलबारको सेयर बजारमा सबैभन्दा बढी नाफा गर्ने कम्पनीहरूको सूचीः

यसैबीच मंगलबारको सेयर बजारमा सुर्यज्योति लाइफ इन्स्योरेन्स कम्पनी लिमिटेडको भएको छ । यस कम्पनीको १ करोड ७० लाख ११ हजार ४ सय ८७ रुपैयाँ ९० पैसा बराबरको सेयर कारोबार भएको छ । यस अलावा स्टाण्डर्ड चार्टर्ड बैंक, नबिल बैंक लिमिटेड, सिद्धार्थ बैंक लिमिटेड प्रमोटर सेयर, हिमाल दोलखा हाइड्रोपावर कम्पनी र शिवम् सिमेन्टको पनि अत्याधिक कारोबार भएको छ । हेर्नुहोस् मंगलबारको सेयर बजारमा सर्वाधिक कारोबार हुने कम्पनीहरूको सूचीः

यस्तै मंगलबारको सेयर बजारमा सोनापुर मिनिरल्स एण्ड आयल लिमिटेडका लगानीकर्ताले सबैभन्दा बढी गुमाएका छन् । यस कम्पनीको सेयर मूल्य ९ प्रतिशत भन्दा धेरैले घटेको हो । सोनापुर मिनिरल्समा यस्तो गिरावट आउँदा एनआइबिएल ग्रोथ फण्ड, मेरो माइक्रोफाइनान्स वित्तीय संस्था, बिपीडब्लु लघुवित्त वित्तीय संस्था र मेंछियम हाइड्रोपावरमा पनि उच्च गिरावट देखिएको छ । हेर्नुहोस् मंगलबारको सेयर बजारमा सबैभन्दा बढी गुमाउने कम्पनीहरुको सूचीः