काठमाडौं । साताको कारोबारको चौथो दिन बुधबार सुनको मूल्य एक हजार रुपैयाँले घटेको छ ।

मंगलबार प्रतितोला १ लाख १६ हजार रुपैयाँमा कारोबार भईरहेको छापावाला सुन आज एक हजार रुपैयाँले घटेर १ लाख १५ हजार रुपैयाँमा कारोबार भईरहेको छ । त्यस्तै तेजाबी सुन १ लाख १४ हजार ४ सय ५० रुपैयाँमा कारोबार भईरहेको छ ।

यता, चाँदीको मूल्य भने ३५ रुपैयाँले घटेर १ हजार ३ सय ८५ रुपैयाँमा कारोबार भईरहेको छ । नेपाल सुनचाँदी व्यवसायी महासंघका अनुसार बुधबार १० ग्राम छापावाला सुनको मूल्य ९८ हजार ५ सय ९५ रुपैयाँ, १० ग्राम तेजाबी सुनको मूल्य ९८ हजार १ सय २५ रुपैयाँ र १० ग्राम चाँदीको मूल्य १ हजार १ सय ८७ रुपैयाँ ५० पैसा कायम गरेको छ ।