काठमाडौं । नेपाल पुनर्बीमा कम्पनीले संस्थापक सेयर लिलामी बिक्री खुला गरेको छ । कम्पनीले कार्तिक १६ गते बिहीबारदेखि विशाल ग्रुपको स्वामित्वमा रहेको ५ लाख कित्ता सेयर लिलामी बिक्री खुला गरेको हो ।

उक्त सेयरमा कम्पनीका संस्थापक सेयरधनी वा अन्य संघसंस्थाले पनि आवेदन दिन सक्नेछन् । लगानीकर्ताले न्युनतम २७७ रुपैयाँ वा सो भन्दा बढी मुल्य कबोल गरी आवेदन पेश गर्नुपर्ने कम्पनीले जनाएको छ । सो सेयरमा लगानीकर्ताले न्युनतम १ लाख कित्तादेखि अधिकतम सबै कित्ताका लागि आवेदन दिन सक्नेछन् ।

आफुले खरिद गर्न चाहेको सेयर संख्या खुलाई बिक्री प्रबन्धक एनआइसी एशिया क्यापिटल, थापलाली काठमाडौंमा पुग्ने गरी आवेदन पेश गर्नुपर्नेछ । उक्त सेयरमा कार्तिक २० गतेसम्म आवेदन दिन सकिने कम्पनीले जनाएको छ ।