काठमाडौं । सगरमाथा लुम्बिनी इन्स्योरेन्सले चालु आर्थिक वर्षको पहिलो त्रैमासको वित्तीय विवरण सार्वजनिक गरेको छ । इन्स्योरेन्सले पहिलो त्रैमाससम्ममा ५ करोड ७० लाख रुपैयाँ खुद नाफा आर्जन गरेको छ । जुन खुद नाफा अघिल्लो वर्षको तुलनामा ९२.७१ प्रतिशतले धेरै हो ।
इन्स्योरेन्सले अघिल्लो वर्षको सोहि अवधिमा २ करोड ९६ लाख रुपैयाँ खुद नाफा आर्जन गरेको थियो । कम्पनीको खुद बिमा शुल्क, कमिसन आम्दानी र लगानी तथा कर्जाबाट हुने आम्दानी बढेपछि खुदा नाफा बढेको हो ।
कम्पनीको खुद बिमा शुल्क आर्जन ९१.३६ प्रतिशतले बढेर ६९ करोड २७ लाख रुपैयाँ पुगेको छ । त्यस्तै, कमिसन आम्दानी २३.८४ प्रतिशत र लगानी तथा कर्जाबाट हुने आम्दानी ९१.७६ प्रतिशतले बढेको छ ।
इन्स्योरेन्सले सार्वजनिक गरेको वित्तीय विवरण अनुसार बिमा कोषको आकार ६ अर्ब ६३ करोड रुपैयाँ पुगेको छ । टेन्ड अर्निङ शीर्षकमा ३८ करोड १७ लाख रुपैयाँ रहेको छ भने अन्य इक्विटी २ अर्ब ८३ करोड ९ लाख रुपैयाँ रहेको छ । कम्पनीको प्रतिसेयर आम्दानी ८.७० रुपैयाँ र प्रतिसेयर नेटवर्थ २२९.६० रुपैयाँ रहेको छ ।
