काठमाडौं । सांग्रिला डेभलपमेन्ट बैंकले लाभांश पारित गर्न वार्षिक साधारण सभा गर्ने भएको छ । बैंकले मंसिर २४ गते लैनचौर ब्याङ्क्वेट, लैनचौरमा बिहान ११ बजे १९औँ वार्षिक साधारण सभा सुरु गर्ने भएको हो ।
बैंकले उक्त सभामा सेयरधनीलाई गत आर्थिक वर्षको नाफाबाट कायम चुक्ता पूँजीको ५ प्रतिशतका दरले बोनस सेयर तथा कर प्रयोजनका लागि ० दशमलव २ सय ६५ नगद लाभांश वितरण गर्न प्रस्ताव पेश गर्ने भएको छ । सो कम्पनीले साधारण सभा प्रयोजनका लागि मंसिर ११ गते बुक क्लोज गर्ने भएको हो ।
सेयरधनीहरुले मंसिर १० गतेसम्म प्रस्तावित लाभांश र सभामा भाग लिन सक्नेछन् । बैंक तथा वित्तीय संस्थासँग मर्जर वा एक्विजिशन सम्बन्धि कार्य गर्न, बैंकको प्रबन्धपत्र तथा नियमावली संशोधन गर्न सञ्चालक समितिलाई अख्तियारी दिने प्रस्तावसमेत रहेको छ ।
सो सभाले लेखापरीक्षक नियुक्त गर्ने प्रस्तावहरु पारित गर्ने भएको हो । नेपाल राष्ट्र बैंकबाट स्वीकृत भइसकेको उक्त लाभांश अब बैंकको आगामी वार्षिक साधारण सभाले पारित गरेपछि सेयरधनीलाई वितरण हुने बैंकले जनाएको छ ।
