काठमाडौं । सोल्टी होटल लिमिटेडले लाभांश वितरण गर्ने घोषणा गरेको छ । होटलले गत आर्थिक वर्षको मुनाफाबाट ३१.५७८ प्रतिशत लाभांश वितरण गर्ने भएको हो ।

कम्पनीको मङ्सिर १ गते शुक्रबार बसेको संचालक समितिको बैठकले ५ प्रतिशत बोनस सेयर र २६.५७८ प्रतिशत नगद लाभांश वितरण गर्ने निर्णय गरेको हो । उक्त प्रस्तावित लाभांश पारित गर्न होटलले पुस २६ गते साधारणसभा गर्ने भएको छ ।

सभा नेपाल प्रज्ञा प्रतिष्ठान कमलादीमा बिहान १०:३० बजेबाट सुरु हुने जनाईएको छ । सभा प्रायोजनका लागि होटलले पुस ५ गते बुक क्लोज गर्ने भएको छ । तसर्थ, पुस ४ गतेसम्म कायम रहने सेयरधनीले मात्र सभामा भाग लिन र लाभांश प्राप्त गर्न सक्नेछन् ।