काठमाडौं । सिद्धार्थ बैंकले संस्थापक सेयर बिक्रीमा ल्याएको छ । बैंकले मङ्सिर ६ गते बुधबारदेखि ५ लाख ४९ हजार ५ सय ७३ कित्ता संस्थापक सेयर बिक्रीमा ल्याएको हो ।
उक्त सेयरमा जो कोहि व्यक्ति, कम्पनी तथा विभिन्न संघ संस्थाहरुले पनि आवेदन दिन सक्नेछन् । सेयर खरिद गर्न इच्छुक लगानीकर्ताले आगामी ७ दिनभित्र आफुले खरिद गर्न चाहेको सेयर संख्या खुलाई बैंकको केन्द्रिय कार्यालय हात्तिसार काठमाडौंमा आवेदन पेश गर्नुपर्नेछ ।
यस अघि बैंकले संस्थापक सेयरधनीले मात्र आवेदन दिन मिल्ने गरी सेयर बिक्रीमा ल्याएको थियो । सोहि सेयरमा विद्यमान संथापक सेयरबाट आवेदन नपरेपछि सर्वसाधारणले समेत आवेदन दिन मिल्ने गरी सेयर बिक्रीमा ल्याएको बैंकले जनाएको छ ।
