काठमाडौं । धौलागिरी लघुवित्तको सेयर कारोबार फुकुवा भएको छ । नेपाल स्टक एक्सचेञ्ज (नेप्से)ले एक सुचना जारी गर्दै लघुवित्तको सेयर कारोबार फुकुवा गरेको जानकारी गराएको हो ।

आर्थिक वर्ष २०७९/८० को लाभांश घोषणा सम्बन्धि निर्णय समयमा जानकारी नगराएको भन्दै नेप्सेले कार्तिक २४ गतेदेखि लघुवित्तको सेयर कारोबार रोक्का गरेको थियो । साथै, नेप्सेले ३ दिन भित्र कारणसहित स्पष्टिकरण पेश गर्न भनेको थियो ।

धौलागिरी लघुवित्तले मङ्सिर ४ गते नेप्से समक्ष ‘सर्भर मेल’मा समस्या आएका कारण समयमै जानकारी गराउन नसकिएको र आगामी दिनमा सचेत भई गल्ति नदोर्याउने प्रतिबद्धता व्यक्त गरेपछि सेयर कारोबार फुकुवा भएको हो ।

तसर्थ, आज बुधबारबाट लघुवित्तको सेयर कारोबार पुन: सुरु भएको छ ।