काठमाडौँ । इमर्जिङ्ग नेपालको वार्षिक साधारण सभा सम्पन्न भएको छ । कम्पनीको ८ औँ वार्षिक साधारण सभा बानेश्वर ब्याङक्वेट नयाँ बानेश्वर काठमाडौँमा शुक्रबार सम्पन्न भएको हो ।
सो सभाले विभिन्न एजेन्डा सहित कम्पनीको आर्थिक वर्ष २०७९-८० को सञ्चालक समितिको प्रतिवेदन, वार्षिक आर्थिक विवरण, आषाढ मसान्त २०८० को वासलात, आर्थिक वर्ष २०७९-८० नाफा नोक्सान हिसाब र सोही अवधीको नगदप्रवाह विवरण लगायत वार्षिक आर्थिक विवरणसँग सम्बन्धित अनुसूचीहरुसमेत पारित गरेको छ ।
सभाले ८.४२१०५ प्रतिशतले हुन आउने ४ करोड ६७ लाख ८७ हजार ३ सय ६८.४२ रुपैयाँ नगद लाभाशं वितरण गर्ने प्रस्ताव पारित गरेको छ । पूर्वाधार विकासका क्षेत्रहरुमा लगानी गर्दै देशको आर्थिक विकासमा टेवा पुर्याउने उद्देश्यले इमर्जिङ्ग नेपाल स्थापना भएको हो ।
कम्पनीले आगामी दिनहरुमा पनि लगानीका नयाँ आयामहरुमा प्रवेश गर्ने गरी कार्य गर्ने जनाएको छ ।
