काठमाडौं । हिमालयन डिष्टिलरी लिमिटेडले २५ प्रतिशत लाभांश दिने घोषणा गरेको छ । कम्पनीको मङ्सिर १७ गते आइतबार बसेको संचालक समितिको बैठकले १० प्रतिशत बोनस सेयर र कर प्रयोजनका लागि १५ प्रतिशत नगद गरी कुल २५ प्रतिशत लाभांश वितरण गर्ने निर्णय हो ।

उक्त प्रसतावित लाभांश पारित गर्न कम्पनीले पुस २५ गते वार्षिक साधारणसभा बोलाएको छ । सभा विरगञ्ज नगरपालिकाको लिपनीविर्तास्थित कम्पनीको रजिष्टर्ड कार्यालयमा बिहान १०:३० बजे सुरु हुने जनाईएको छ ।

सभा प्रयोजनका लागि कम्पनीले पुस १३ गते बुक क्लोज गर्ने भएको छ । तसर्थ, पुस १२ गतेसम्म कायम रहने सेयरधनीले मात्र प्रथावित लाभांश पाउन र सभामा भाग लिन पाउनेछन् ।

गत वर्ष कम्पनीले ६० प्रतिशत बोनस सेयर र कर प्रयोजनक लागि १० प्रतिशत नगद गरी कुल ७० प्रतिशत लाभांश वितरण गरेको थियो ।