काठमाडौं । साताको कारोबारको चौथो दिन बुधबार सेयर बजार मापक नेप्से परिसूचक बढेको छ । मंगलबारको तुलनामा नेप्से परिसूचक ३.३३ अंकले बढेर १८४१.०४ बिन्दुमा पुगेको हो ।
बुधबार नेप्सेमा कुल २९३ कम्पनीको ३७ लाख ५५ हजार १ सय २४ कित्ता सेयर खरिद बिक्री हुँदा १ अर्व १४ करोडमाथिको सेयर कारोबार भएको छ । आज सबैभन्दा बढी कारोबार रिलायबल नेपाल लाइफ इन्स्योरेन्सको भएको छ । यस कम्पनीको ७ करोड ३४ लाख ४९ हजार १७ रुपैयाँ ५० पैसा बराबरको सेयर कारोबार भएको छ ।
यस्तै बुधबारको सेयर बजारमा सबैभन्दा बढी नाफा ग्लोबल आइएमई लघुवित्त वित्तीय संस्थाका लगानीकर्ताले कमाएका छन् । यस कम्पनीको सेयर मूल्यमा पोजेटिभ सर्किट लागेको हो । यस अलवा विजय लघुवित्त वित्तीय संस्थाका, मन्दाकिनी हाइड्रोपावर, मोलुङ्ग हाइड्रोपावर, गणपति लघुवित्त वित्तिय संस्था र माउनटेन इनर्जी नेपालका लगानीकर्ताहरु पनि मालामाल भएका छन् । हेर्नुहोस् बुधबारको सेयर बजारमा सबैभन्दा बढी नाफा गर्ने कम्पनीहरूको सूचीः
यसैबीच बुधबारको सेयर बजारमा सबैभन्दा बढी कारोबार रिलायबल नेपाल लाइफ इन्स्योरेन्सको भएको छ । यस कम्पनीको ७ करोड ३४ लाख ४९ हजार १७ रुपैयाँ ५० पैसा बराबरको सेयर कारोबार भएको छ । यस अलावा सन नेपाल लाइफ इन्स्योरेन्स, माउनटेन इनर्जी नेपाल, सिटिजन्स लाइफ इन्स्योरेन्स,आइएमई लाइफ इन्स्योरेन्स र सोनापुर मिनिरल्स एण्ड आयल लिमिटेडमा पनि अत्याधिक कारोबार भएको छ । हेर्नुहोस् बुधबारको सेयर बजारमा सर्वाधिक कारोबार हुने कम्पनीहरूको सूचीः
यस्तै बुधबारको सेयर बजारमा सिंगटी हाइड्रो इनर्जीका लगानीकर्ताले सबैभन्दा बढी गुमाएका छन् । यस कम्पनीको सेयर मूल्य ९ प्रतिशतभन्दा धेरैले घटेको हो । सिंगटी हाइड्रोमा यस्तो गिरावट आउँदा सनराइज ब्लुचिप फण्ड, १०% हिमालयन बैंक डेबेञ्चर २०८३, सबैको लघुवित्त वित्तीय संस्था र मिथिला लघुवित्त वित्तीय संस्थामा पनि उच्च गिरावट देखिएको छ । हेर्नुहोस् बुधबारको सेयर बजारमा सबैभन्दा बढी गुमाउने कम्पनीहरुको सूचीः
