काठमाडौँ । हिमालयन रिइन्स्योरेन्सले मंसिर २७ गतदेखि सर्वसाधारणका लागि आईपीओ जारी गर्ने भएको छ । कम्पनीले प्रतिकित्ता १०० रुपैयाँ अंकित मूल्यमा १०६ रुपैयाँ प्रिमियम थप गरी कुल २०६ रुपैयाँ प्रिमियम मूल्यमा २ करोड ४९ लाख कित्ता सेयर निष्कासन गर्ने भएको हो ।
कम्पनीलाई नियामक नेपाल धितोपत्र बोर्डले जारी पुँजीको १० अर्ब रुपैयाँको ३० प्रतिशतले हुन आउने ३ अर्ब रुपैयाँ बराबरको आईपीओ निष्कासनका लागि स्वीकृति दिएको थियो । जसमध्ये कम्पनीले पहिलो चरणमा वैदेशिक रोजगारीमा रहेका नेपालीहरुका लागि ३० लाख कित्ता सेयर निष्कासन गरिसकेको छ । जसमध्ये २ प्रतिशत अर्थात ६ लाख कित्ता सेयर कम्पनीका कर्मचारी र ५ प्रतिशत अर्थात १५ लाख कित्ता सामूहिक लगानीकोषलाई बाँडफाँट भएको छ ।
कम्पनीले २७ मंसिरदेखि जारी गर्ने आईपीओमा लगानकिर्ताले न्यूनतम १० कित्तादेखि अधिकतम ३ लाख कित्ताका लागि आवेदन दिन सकनेछन् ।
कम्पनीओ आईपीओमा आवेदन दिन इच्छुक लगानीकर्ताले सीआस्वा सदस्यता प्राप्त बैंक तथा वित्तीय संस्था तथा मेरो सेयरमार्फत पनि कम्पनीको आईपीओमा आवेदन दिन सक्नेछन् । आईपीओ निष्कासनका लागि रेटिङ एजेन्सी इक्रा नेपालले ‘इक्राएनपी आइआर ए’ रेटिङ प्रदान गरेको छ । यसले कम्पनीको दायित्व बहन गर्ने क्षमता पर्याप्त मात्रामा सुरक्षित रहेको जनाउँछ ।
कम्पनीओ आईपीओमा बिक्री प्रबन्धक एनएमबि क्यापिटल रहेको छ । यसमा पुस १ गतेसम्म आवेदन दिन सकिनेछ । कम्पनीका अनुसार सो अवधिमा सबै सेयर बिक्री नभएमा पुस ११ गतेसम्म आवेदन दिन सकिनेछ ।
