काठमाडौं । आइसीएफसी फाइनान्सले गत आर्थिक वर्षको मुनाफाबाट सेयरधनीलाई नगद लाभांश दिने भएको छ । फाइनान्सले सेयरधनीहरुलाई कर सहित ६.५० प्रतिशत नगद लाभांश दिने भएको हो ।

कम्पनीको मङ्सिर २२ गते शुक्रबार बसेको संचालक समितिको बैठकले हाल कायम चुक्त्ता पुँजीको ६.५० प्रतिशत नगद लाभांश वितरण गर्ने निर्णय गरेको हो ।

उक्त प्रस्तावित लाभांश नियामक नेपाल राष्ट्र बैंक र फाइनान्सको आगामी साधारणसभाले पारित मात्र सेयरधनीमा वितरण हुनेछ ।

गत वर्ष कम्पनीले ५ प्रतिशत बोनस सेयर र कर प्रयोजनका लागि ५ प्रतिशत नगद  गरी कुल १० प्रतिशत लाभांश वितरण गरेको थियो ।