">
काठमाडौँ । कुमारी बैंकले ब्याजदर घटाएको छ । बैंकले मंसिर २४ गतेदेखि लागू हुनेगरि ब्याजदरमा परिमार्जन गरेको हो ।
बैंकले यसअघि मंसिरमा कात्तिककै ब्याजदरलाई निरन्तरता दिने निर्णय गरेको थियो । तर, अन्य बैंकहरुले ब्याजदर घटाएपछि कुमारी बैंकले पनि मंसिरको ब्याजदर परिमार्जन गर्दै घटाएको हो ।
बैंकले यसअघि व्यक्तिगत मुद्दती निक्षेपमा अधिकतम १०.०१ प्रतिशत र संस्थागत मुद्दतीतर्फ ८.०१ प्रतिशत ब्याज दिँदै आएको थियो । तर, बैंकले उक्त ब्याज परिमार्जन गर्दै व्यक्तिगत मुद्दती निक्षेपमा अधिकतम ९.६१० प्रतिशत र संस्थागततर्फ ७.६१० प्रतिशत बनाएको छ ।
यसअघि एनआईसी एशिया बैंकले ब्याजदर घटाएको थियो । त्यसलगत्तै अन्य बैंकहरु पनि ब्याजदर घटाउने दबाबमा परेका छन् ।
