काठमाडौँ । रुरु जलविद्युत परियोजनाले लाभांश घोषणा गरेको छ । कम्पनीले गत आर्थिक वर्षको मुनाफाबाट सेयरधनीलाई १०.५२६ प्रतिशत नगद लाभांश दिने घोषणा गरेको हो ।

कम्पनीले घोषणा गरेको नगद लाभांश कम्पनीको आगामी वार्षिक साधारणसभाले पारित गरेपछि सेयरधनीमा वितरण गरिनेछ । लाभांश पारितको प्रस्ताव कम्पनीले पुष २५ गते काठमाडौँको लिसरा रिसेप्सनमा बस्ने साधारण सभामा पेश गर्नेछ ।

सार्थ कम्पनीले साधारणभामा गत आर्थिक वर्ष २०७९÷८० को सञ्चालक समितिको प्रतिवेदन, वासलात, नाफा–नोक्सान लगायतका विषयमा छलफल गर्ने प्रस्ताव पनि पेश गर्ने जनाएको छ ।

त्यस्तै, सभामा आर्थिक वर्ष २०८०÷८१ का लागि लेखापरीक्षक नियुक्ति र पारिश्रमिक निर्धारण गर्ने एजेण्डा पनि प्रस्तुत गरिनेछ । साधारणसभाका लागि कम्पनीले पुष १७ गते बुक क्लोज गर्ने भएको छ ।