काठमाडौँ । युनिभर्सल पावर कम्पनी लिमिटेडले आफ्ना सेयरधनीका लागि ९ प्रतिशत लाभांश वितरण गर्ने घोषणा गरेको छ । कम्पनीको पुष ८ गते बसेको सञ्चालक समितिको बैठकले गत आर्थिक वर्षको मुनाफाबाट सेयरधनीलाई ९ प्रतिशत लाभांश वितरण गर्ने निर्णय गरेको हो ।

कम्पनीले हाल कायम चुक्ता पुँजीको ८.५५ प्रतिशत बोनस सेयर र कर प्रयोजनका लागि ०.४५ प्रतिशत नगद लाभांश गरी कुल ९ प्रतिशत लाभांश दिने प्रस्ताव गरेको हो ।

कम्पनीले प्रस्ताव गरेको उक्त लाभांश कम्पनीको आगामी वार्षिक साधारणसभाले पारित गरेपछि मात्रै सेयरधनीमा वितरण गरिनेछ । कम्पनीले लाभांश पारित लगायतका प्रस्ताव पारित गर्नका लागि पुष २९ गते साधारणसभा आह्वान गरेको छ । साधारणसभाको प्रयोजनार्थ पुष १८ गते बुक क्लोज हुनेछ ।

युनिभर्सल पावर कम्पनी लिमिटेडले आईपीओ निष्कासन गरेपछि पहिलोपटक लाभांश प्रस्ताव गरेको हो । कम्पनीले लाभांश दिने घोषणा गरेसँगै सेयधरनीहरु उत्साहित भएका छन् ।