">
काठमाडौँ । नेकपाका महासचिव नेत्रविक्रम चन्द (विप्लव)ले सरकारको दोहोरो चरित्र सह्य नहुने बताएका छन् । प्रधानमन्त्रीको सरकारी निवास बालुवाटारमा बसेको समाजवादी मोर्चाको बैठकबाट बाहिरिने क्रममा सञ्चारकर्मीहरुसँग कुराकानी गर्दै विप्लवले यस्तो बताएका हुन् ।
उनले एकातर्फ सरकारले आफूहरुसँग सहमति पनि गर्ने र अर्कोतर्फबाट घेराबन्दी पनि गरेको भन्दै यो सह्य नहुने बताए । ‘सहमति पनि गर्ने र घेराबन्दी पनि गर्ने, यो खालको चरित्र देखिएका छन् । त्यो चल्दैन ।’, उनले भने, ‘साँझा फेरी बैठक बस्दैछ निष्कर्षमा पुग्छौँ ।’
त्यस्तै, चन्दले आफूविरुद्ध जारी भएको पक्राउ पूर्जी र सरकारसँगको सहमतिका विषयमा पनि बैठकमा ध्यानाकर्षण गराएको बताएका छन् ।
