काठमाडौँ । बाँसवारी छालाजुत्ता कारखानाको जग्गा हिनामिना प्रकरणमा पक्राउ परेका व्यवसायी अरुण चौधरीलाई रिहा गर्न आदेश दिने जिल्ला अदालत, काठमाडौँका न्यायाधीश यज्ञप्रसाद आचार्यको सरुवा भएको छ । न्यायाधीश आचार्यको आइतबार नै मुगुमा सरुवा भएको हो ।

प्रधानन्यायाधीश विश्वम्भरप्रसाद श्रेष्ठले आचार्यालाई मुगु जिल्ला अदालतमा काज सरुवा गरेका हुन् ।

न्यायाधीश आचार्यले चौधरीलाई हजारौँ नागरिकलाई रोजगारी दिएको र अभिभावक रहेको भन्दै दुई दिनभित्र अनुसन्धान सकेर रिहा गर्न आदेश दिएका थिए । जुन आदेशप्रति गृहमन्त्री नारायणकाजी श्रेष्ठले पनि असन्तुष्टी जनाएका थिए । उनले अरुण चौधरीलाई रिहा गर्ने अदालतको उक्त आदेशलाई इतिहासकै अनौठो आदेश भनेका थिए ।