काठमाडौँ । जापानको अर्थतन्त्र विश्वकै चौथो ठूलो अर्थतन्त्र बनेको छ । जापानको अर्थतन्त्रमा देखिएको वार्षिक ०.४ प्रतिशत वृद्धिसँगै जापानको अर्थतन्त्र विश्वकै चौथो ठूलो अर्थतन्त्र बनेको हो ।
योसँगै जापानमा उद्योग, करकारखाना र मेसिनरी प्रविधिमा कम्पनीहरुले गरेको लगानीका कारण देखिएको प्राविधिक आर्थिक मन्दी टरेको अर्थविद्हरुले बताएका छन् । जापानको चौथो त्रैमासको रिपोर्टअनुसार हाल जापानको जिडीपी ०.१ प्रतिशतले बढेको देखिएको छ । नकारात्मक ब्याजदरलाई घटाउने जापानको केन्द्रीय बैंकको अपेक्षासँगै अर्थतन्त्रमा सुधार देखिन गएको हो ।
यद्यपी अक्टोबर–डिसेम्बरमा जापानको निजी उपभोग भने ०.३ प्रतिशतले घटेको छ । जापानको निजी उपभोगले अर्थतन्त्रको ६० प्रतिशत हिस्सा ओगटेको छ ।
